|
دنّت بساق الهجوس المغـرم حجـول
وزيّنت فوق الشماغ المتـرف عقـال
قلت اقلطي ماورى الحرمان موصـول
في صدر من ميّل احزانـه ولا مـال
سكنت بيت ٍ جديد بشـارع ـ شعـول
ـ
وفقدت لي زول يسوى عشـرة ازوال
ووقفت جنب السهر والنـوم معـزول
عن جفن من رمّـدت عينيـه واهتـال
من وين اببدا كلامي ويش ابـا اقـول
والناس ماتسمـع المجـروح لا قـال
والقاتـل البارحـه حطـوه مقـتـول
وفـعيونهم شفت انا المقتـول قتـال
والنـاس لوصّدقـت بالخـلّ والغـول
ما صّدقت بالقصيد..الـوان واشكـال
والشْعر انا واصله عرض وعلى طول
عد ٍ رويّته يـوم(ن) افكـاري حبـال
فـي ذمتـي كنّـه المرجـان واللـول
على الورق وان قصر فالقاف وان طال
ويا مبعد ٍ حول دار الحـول والحـول
انـا علـى حـال ما مثلـه ولا حـال
يا عمّ كل الجروح الـزرق .. يحـول
وراك ماصرت لجروح الغلا : خـال
من غبت والما ظما! والحلـم مشلـول
والحب جرهد وحزنـي وادي ٍ سـال
ولا تحسب اني عن الاحـزان مسئـول
انت اتحمّـل ذنوبـي يـوم الاهـوال
لا ترمـع اللغـز دام اللغـز محلـول
ولا تعتذر لي بعذر ..وتضـرب امثـال
قضيّتي معـك دايـم ضـد مجهـول
وجرايمك صدّ واحسانك لـي وصـال
والبال مشغول! ليه البـال مشغـول؟
وطعونك الخضر ماجت لي على البال
يبـل قلبـي ليامـن جيـت همـلـول
وان رحت قلبي جفاف ونصـه رمـال
كـم نافـذه تشتهيـك وبـاب مقفـول
وكم ريح عطر ٍ لبيتك جرّت رجْـال
ياللي صباحك معي بالحـب مغسـول
ترى غيابـك دجـا واعمالـك اعمـال
ان غبت غابت سنين وكلّـت حمـول
متني ..ومتني عليـه حمـول ٍ ثقـال
وبعض الغلا كان مايبنى على آصـول
مثل الرجل كان مات ولا لـه عيـال
شعول / شــارع في حي البديعه فـ الرياض
:: بنـدر بـن
محـيا ::
|
